काठमाडौं । आइतबार सुनको मूल्य तोलामा १ हजार ६ सय रुपैयाँले महँगो भएको छ । गत साताको अन्तिम दिन शुक्रबार ४ सय रुपैयाँले घटेको सुनको मूल्य आइतबार १ हजार ६ सय रपैयाँले बढेको हो ।
आइतबार छापाला सुन तोलामा १ लाख ४२ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । शुक्रबार छापावाल सुन तोलामा १ लाख ४१ हजार २ सय रुपैयाँमा कारोबार भएको थियो । त्यस्तै आज तेजाबी सुन तोलामा १ लाख ४२ हजार १ सय रुपैयाँमा कारोबार भइरहेको छ । शुक्रबार तेजाबी सुनको मूल्य १ लाख ४० हजार ५ सय रुपैयाँमा कारोबार भएको थियो ।
आइतबार चाँदीको मूल्य पनि २० रुपैयाँले महँगो भएको छ । शुक्रबार १ हजार ८ सय रुपैयाँमा कारोबार भएको चाँदीको मूल्य आज तोलामा १ हजार ८ सय २० रुपैयाँमा कारोबार भइरहेको छ ।
प्रतिक्रिया दिनुहोस्