एजेन्सी । क्रिप्टोकरेन्सी संकटका लागि जिम्मेवार ठहराइएका दक्षिण कोरियाका एक पुरुषलाई संयुक्त राज्य अमेरिकामा प्रत्यर्पण गरिएको छ । उनीविरुद्ध लगानीकर्ताको ४० अर्ब अमेरिकी डलरको नोक्सानी पुर्याएको आरोप छ ।
दो क्वोन टेराफॉर्मको प्रमुख थिए, जसले दुई क्रिप्टोकरेन्सी, टेरायूएडसडी र लूना सञ्चालन गर्दै थिए । ती सबैजुन २०२२ मा संकटमा परेका थए । यसले क्रिप्टो बजारमा ठूलो विक्रीको लहर ल्याएको थियो ।
अमेरिकाले दो क्वोनविरुद्ध एक मल्टि मिलेनियर डलर डलर क्रिप्टो सम्पत्ति सुरक्षासम्बन्ध धोखाधडीको आरोप लगाएको छ । क्वोन दक्षिण कोरिया छोडेर मोन्टेनेग्रो पुगेका थिए जहाँ उनलाई मार्च २०२३ मा दुबई जाने विमानमा चढ्ने क्रममा पक्राउ गरिएको थियो । मोन्टेनेग्रोको अदालतले उनलाई कागजात जाली गर्ने आरोपमा दोषी ठहर गरेको थियो।
त्यतिबेला उनलाई संयुक्त राज्यमा आपराधिक कार्यवाहीको सामना गर्नुपर्ने हो कि होइन भन्नेमा स्पष्ट थिएन । किनभने मोन्टेनेग्रोसँग संयुक्त राज्य र दक्षिण कोरियासँग प्रत्यर्पण सम्झौता छैन । क्वोनको अमेरिका पठाउने प्रक्रिया अन्ततः १८ महिनासम्मको कानूनी लडाइपछि पूरा भएको छ ।
मोन्टेनेग्रोको न्याय मन्त्रालयले डिसेम्बरमा प्रत्यर्पण स्वीकृत गरेको थियो र त्यहाँ भनिएको थियो कि क्वोनले पनि यसमा सहमति जनाएका थिए । उनको कम्पनी टेराफॉर्म ल्याब सन् २०२१ मा निकै प्रसिद्ध भएको थियो । जब यसका सिक्काहरू लूना र टेरायुएसडी निकै लोकप्रिय भए । लूना समर्थकहरूलाई लुनाटिक्स भनेर चिनिन्थ्यो, र क्वोनलाई तिनका राजा भनिन्थ्यो ।
तर, ठूलो रकम यस सिक्कामा लगानी गर्दा, ९ मे २०२२ मा टेराफॉर्म ल्याब संकटमा परेको थियो । कम्पनीले ४८ घण्टामा यसको मूल्य ९९ प्रतिशतभन्दा बढी गुमाएको थियो । लगानीकर्ताहरूले आफ्नो पैसा अन्य क्रिप्टोकरेन्सीबाट निकाल्ने प्रयास गरे, यो डरले कि त्यस्तै चीज उनीहरूको साथ पनि हुन सक्छ, जसले सम्पूर्ण क्रिप्टो क्षेत्रमा मूल्य गिरावट ल्यायो ।
क्रिप्टोक्रयासका कारण ४०० अर्ब डलरको हानि भयो । बिटकॉइन जस्ता सम्पत्ति पनि यसबाट प्रभावित भए, तर त्यसपछि यसको मूल्यमा ठूलो वृद्धि भएको छ र डिसेम्बरमा यो एकको मूल्य १ लाख डलरभन्दा बढी पुगेको छ । टेराफॉर्म ल्याबले जनवरी २०२४ मा संयुक्त राज्यमा आफू आर्थिक संकटमा परेको निवेदन दिएको थियो ।
प्रतिक्रिया दिनुहोस्