काठमाडौं । साताको सेयर कारोबार हुने अन्तिम दिन बिहीबार नेप्से परिसूचक साढे ४ अंकले बढेर बन्द भएको छ । अघिल्लो दिन पनि सामान्य सुधार भएको बजार आज ४ दशमलव ६३ अंकले बढेको हो ।

आजको करोबार बन्द हुँदा नेप्से परिसूचक २५८६ दशमलव २३ विन्दुमा पुगेको छ । आज सेयर बजारमा कारोबार भएका कम्पनीमध्ये १५६ कम्पनीको सेयर मूल्य बढेको छ भने ७७ कम्पनीको सेयर मूल्य घटेको छ । त्यस्तै ११ कम्पनीको सेयर मूल्य भने स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ इन्डेक्स भने ० दशमलव ५५ अंकले घटेर ४४३ दशमलव ५६ विन्दुमा पुगेको छ ।

साताको अन्तिम कारोबार दिन सेयर बजारमा ४ अर्ब ६० करोड ३२ लाख ८२ हजार ३७९ रुपैयाँ बराबरको कारोबार भएको छ । आज सेयर बजार ३१५ कम्पनीका १ करोड ८७ हजार ७०५ कित्ता सेयर ५० हजार ४४७ पटक खरिद बिक्री हुँदा उक्त रकमको कारोबार भएको हो ।

आज सेयर बजारमा दुई कम्पनीको सेयर मूल्यमा सकारात्मक सर्किट लागेको छ ।