काठमाडौं । नेपाल इन्भेष्टमेण्ट मेगा बैंक लिमिटेडले करिब साढे २ लाख कित्ता संस्थाप सेयर बिक्रीमा राखेको छ । बैंकले आफ्ना ९ जना संस्थापक सेयरधनीहरूको नाममा रहेको २ लाख ४३ हजार ६०३ कित्ता सेयर बिक्रीमा राखेको हो ।
बैंकले उक्त सेयर बैंककै विद्यमान संस्थापक सेयरधनीहरूले मात्रै किन्न पाउने गरी बिक्रीमा राखेको हो । संस्थापकलाई सेयर किन्न दिइएको अवधिभित्र सेयर बिक्री नभएको खण्डमा मात्रै सर्वसाधारणलाई खरिद प्रस्ताव गर्न सकिने प्रावधान रहेको छ ।
सो सेयर खरिद गर्न इच्छुक संस्थापकले आफूले किन्न चाहेको सेयर संख्या र सोको मूल्य समेत खुलाई ३५ दिनभित्र निवेदन दिनु पर्नेछ । निवेदन काठमाडौंको लाजिम्पाटस्थित बैंकको सेयर शाखामा बुझाउनु पर्नेछ ।
प्रतिक्रिया दिनुहोस्