काठमाडौं । नेपाल राष्ट्र बैंकले आज (आइतबार) बजारबाट थप ३० अर्ब रुपैयाँ उठाउने भएको छ । बजारमा अधिक तरलता भएसँगै राष्ट्र बैंकले उक्त रकम प्रशोचन गर्न लागेको हो ।
२१ दिन अवधीका लागि राष्ट्र बैंकले उठाउन लागेको ३० अर्ब रुपैयाँको साँवा तथा ब्याज बैंकहरुले फागुन १८ गते फिर्ता पाउनेछन् । क, ख र ग वर्गका बैंक तथा वित्तिय संस्थाहरुले घटीमा १० करोड र बढीमा ५ करोडले भाग गर्दा निः शेष आउने अंक बराबरको निक्षेप राष्ट्र बैंकमा राख्न सक्ने बैंकले जनाएको छ ।
बैंकहरुले त्यसरी राखेको निक्षेपको ब्याजदर भने बोल कबोलका माध्यमबाट निर्धारण हुनेछ । अर्थात् सबै भन्दा थोरै ब्याजदर कबोल गर्ने बैंक तथा वित्तिय संस्थाको निक्षेप राष्ट्र बैंकले स्वीकार गर्ने राष्ट्र बैंकले जनाएको छ । गत साताको बुधबार पनि केन्द्रीय बैंकले बजारबाट ३५ अर्ब रुपैयाँ उठाएको थियो ।
प्रतिक्रिया दिनुहोस्