काठमाडौं । सरकारले स्वास्थ्य तथा जनसंख्या मन्त्रालयको सचिवमा डा. विकास देवकोटालाई नियुक्त गर्ने निर्णय गरेको छ । बुधबार बसेको मन्त्रिपरिषद् बैठकले देवकोटालाई स्वास्थ्य सचिवमा नियुक्त गर्ने निर्णय गरेको हो ।
देवकोटा स्वास्थ्य सेवा विभागका महानिर्देशक हुन् । देवकोटाले स्वास्थ्य सेवामा २८ वर्ष अनुभव बटुलेका छन् । उनी २०५३ सालमा सेवा प्रवेश गरी २०७९ चैत १३ गते १२औँ तह अर्थात् अतिरिक्त सचिवमा बढुवा भएका थिए ।
कोरोनाकालमा मन्त्रालयको प्रवक्ताको जिम्मेवारी सम्हालेका उनी १२औँ तहमा बढुवा हुनुअघि लुम्बिनी प्रदेशको स्वास्थ्य सचिव थिए । २०८१ असोज ६ देखि उनी विभागको महानिर्देशकको जिम्मेवारीमा छन् ।
प्रतिक्रिया दिनुहोस्