काठमाडौं । कामना सेवा विकास बैंकका कर्मचारी र ग्राहकले भरतपुरस्थित चितवन ग्रान्ड रिजेन्सी रिसोर्टमा २० प्रतिशत छुट पाउने भएका छन् ।
यसका लागि बैंकले रिसोर्टसँग सम्झौता गरेको छ । सम्झौता पत्रमा बैंकका तर्फबाट नारायणगढ क्षेत्रका प्रमुख सुरेन्द्र भण्डारी र रिसोर्टका प्रबन्ध निर्देशक जनार्दन रिजालले हस्ताक्षर गरेका छन्।
सम्झौता अनुसार बैंकका ग्राहक र कर्मचारीले अकोमोडेसन, फुड र बेभरेजमा २० प्रतिशत छुट पाउनेछन्। ग्राहकले बैंकसँग आबद्धता भएको प्रमाणका आधारमा यो सुविधा सहजै प्राप्त गर्न सक्ने बैंकले जारी गरेको प्रेस विज्ञप्तिमा उल्लेख छ।
प्रतिक्रिया दिनुहोस्