काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने र भारतीय प्रधानमन्त्री नरेन्द्र मोदीबीच भेटवार्ता भएको छ ।

आज भएको भेटमा मोदीले नेपालसँग साझा समृद्धि र उज्ज्वल भविष्यका लागि नजिकबाट सहकार्य गर्न तयार रहेको बताएको बताइएको छ ।

‘साझा समृद्धि र उज्ज्वल भविष्यका लागि नजिकबाट सहकार्य गर्ने उहाँको इच्छालाई म हार्दिक स्वागत गर्दछु र पूर्णरूपमा समर्थन गर्दछु’ मोदीले भनेका छन् ।

सोमबार भारत भ्रमणमा गएका सभापति लामिछानेले भाजपा कार्यालयमा सोमबार नै पुगेका छन् । उनलाई भाजपाका अध्यक्ष नितिन नवीनले स्वागत गरेका थिए ।

यस्तै मंगलबार भारतीय विदेशमन्त्री एस. जयशंकर र गृहमन्त्री अमित शाहसँग भेट गरेका छन् ।