काठमाडौं । अघिल्लो दिनहरुका घटेको सुन–चाँदीको मूल्य बुधबार बढेको छ। बुधबार सुनको मूल्य तोलाको ८०० रुपैयाँ र चाँदीको मूल्य तोलाको ५५ रुपैयाँ बढेको छ।
नेपाल सुन–चाँदी व्यवसायी महासंघका अनुसार आज सुन प्रतितोला २ लाख ८४ हजार ८०० रुपैयाँमा कारोबार भइरहेको छ भने चाँदी तोलाको ४ हजार ४१५ रुपैयाँमा कारोबार भइरहेको छ।
मंगलबारको बजारमा सुनको मूल्य तोलाको २ लाख ८४ हजार रुपैयाँमा कारोबार भइरहेको थियो। यसैगरी, सोमबारको बजारमा सुनको मूल्य तोलाको २ हजार ८०० रुपैयाँले घटेर २ लाख ८५ हजार २०० रुपैयाँ र आइतबारको बजारमा सुनको मूल्य तोलाको २ लाख ८८ हजार रुपैयाँमा कारोबार भएको थियो ।
महासंघका अनुसार मंगलबारको बजारमा चाँदीको मूल्य १५ रुपैयाँले घटेर ४ हजार ३६० रुपैयाँमा कारोबार भएको थियो । सोमबारको बजारमा चाँदी तोलाको ४ हजार ३७५ रुपैयाँमा कारोबार भएको थियो । यसैगरी, आइतबारको बजारमा चाँदी तोलाको ४ हजार ४७५ रुपैयाँमा कारोबार भएको थियो ।
प्रतिक्रिया दिनुहोस्