काठमाडौं । नेपाल धितोपत्र बोर्डले सामाजिक सञ्जाल मार्फत गलत सूचना फैलाउनेलाई कडा कारबाहीको दायरामा ल्याउने भएको छ ।

बोर्डले आगामी आर्थिक बर्षको नीति तथा कार्यक्रममा यस्तो व्यवस्था गरेको छ ।

लगानीकर्ता सुरक्षालाई प्राथमिकता दिई अनधिकृत लगानी परामर्श, भ्रामक प्रचार, सामाजिक सञ्जालमार्फत हुने बजार प्रभावित गर्ने गतिविधि तथा वित्तीय ठगीविरुद्ध प्रभावकारी नियामक निगरानी र कानूनी कारबाहीलाई थप सुदृढ बनाइने उल्लेख छ ।

त्यसैगरी सामाजिक सञ्जालको प्रयोग गरी इन्फ्लुयन्सरहरूबाट धितोपत्र बजारलाई प्रभावित पार्ने गरी सूचना प्रवाह भए नभएको विश्लेषण तथा सुपरिवेक्षण कार्यलाई प्रभावकारी बनाउनुका साथै लगानीकर्ताहरूलाई सचेत गराईने नीति तथा कार्यक्रममा उल्लेख छ।