काठमाडौं । एभरेस्ट बैंकले आफ्नो बैंकिङ सेवा विस्तार गर्ने क्रममा पाल्पाको तानसेन–७ स्थित लुम्बिनी मेडिकल कलेज एण्ड टिचिङ हस्पिटल लिमिटेडको परिसरमा नयाँ एक्सटेन्सन काउण्टर सञ्चालनमा ल्याएको छ।

बैंकले २०८३ साल भदौ १ गतेदेखि उक्त एक्सटेन्सन काउण्टरमार्फत सेवा सुरु गरेको जनाएको छ। नयाँ काउण्टर सञ्चालनमा आएसँगै स्थानीय बासिन्दा तथा अस्पतालमा आउने सेवाग्राहीले बैंकिङ सेवा सहज र सरल रूपमा प्राप्त गर्न सक्ने बैंकको विश्वास छ।

नयाँ काउण्टर विस्तारसँगै एभरेस्ट बैंकका एक्सटेन्सन काउण्टरको संख्या पाँच पुगेको छ। बैंकले ग्राहकको आवश्यकता र पहुँचलाई ध्यानमा राख्दै अत्याधुनिक तथा सहज बैंकिङ सेवा विस्तारलाई निरन्तरता दिँदै आएको जनाएको छ।

तानसेन–७ मा काउण्टर सञ्चालनमा आएसँगै पाल्पावासीलाई बैंकिङ कारोबारका लागि थप सुविधा पुग्ने अपेक्षा गरिएको छ।