काठमाडौं । नेपाली काँग्रेसका सहमहामन्त्री अजयबाबु सिवाकोटी नेपाल प्रहरीको साइबर ब्युरोमा उपस्थित हुँदैछन् । चाडपर्वको बिदाका समयमा समेत प्रहरीले ताकेता गरेपछि आफू साइबर ब्युरो जान लागेको सिवाकोटीले बताएका छन् ।
उनले सामाजिक सञ्जालमार्फत करिब एक घण्टापछि साइबर ब्युरो पुग्ने जानकारी दिएका हुन् । ‘चाडबाड बिदाको बेलामा समेत प्रहरीको ताकेता आएपछि एक घण्टापछि साइबर ब्युरोमा पुग्दैछु,’ उनले लेखेका छन् ।
सिवाकोटीले आजका सबै भेटघाट सम्भव भएसम्म साइबर ब्युरोमै गर्ने पनि बताएका छन् । यस अघि बिहीबार सिवाकोटीलाई नेपाल प्रहरीको साइबर ब्युरोले बोलाएको थियो । काठमाडौंबाहिर धार्मिक यात्रामा रहेका सिवाकोटीलाई फोन सम्पर्क गरी साइबर ब्युरोमा बोलाइएको हो । उनले आफू साइबर ब्युरोमा जाने बताएका छन् ।
प्रतिक्रिया दिनुहोस्