काठमाडौं । गोवाको नाइट क्लबमा गत शनिवार भएको आगलागी घटनामा परेर ४ जना नेपालीले ज्यान गुमाएका छन् ।
उक्त आगलागीमा ज्यान गुमाउनेको संख्या २५ जना पुगेको छ । जसमध्ये २० जना उक्त क्लबमा काम गर्ने स्टाफ रहेका छन् । उक्त स्टाफमध्ये चार जना नेपाली नागरिक रहेको गोवा पुलिसले जनाएको छ।
घटनामा ज्यान गुमाउने नेपाली नागरिक चूर्ण बहादुर पुन, विवेक कटवाल, सुदीप र सविनको रूपमा पहिचान भएको छ। चारै जना नेपाली नागरिकको पोस्टमार्टम रिपोर्ट आई सकेको र गोवाको अस्पतालमा शव राखिएको छ।
गोवा सरकारको तर्फबाट नयाँ दिल्ली स्थित नेपाली राजदूतावासमा सम्पर्क गरी शवलाई नेपाल पठाउन समन्वय भई रहेको गोवा पुलिसले जनाएको छ।
प्रतिक्रिया दिनुहोस्