काठमाडौं । चालु आर्थिक वर्षको चैत मसान्तसम्ममा ज्योति विकास बैंकले ६२ करोड ९४ लाख ६२ हजार रुपैयाँ नाफा कमाएको छ । यो नाफा गत आवको सोही अवधिको तुलनामा १०५.३० प्रतिशतले बढेको छ । गत आवको सोही अवधिमा बैंकले ३० करोड ६६ लाख ११ हजार रुपैयाँ नाफा आर्जन गरेको थियो ।

यो अवधिमा बैंकको खुद ब्याज आम्दानी, सञ्चालन नाफा बढेको छ भने इम्पेरमेन्ट चार्ज घटेको छ । जसले गर्दा बैंकको नाफा बढेको छ । चैत मसान्तसम्म बैंकको खुद ब्याज आम्दानी ०.७८ प्रतिशत बढेर १ अर्ब ५९ करोड ६५ लाख ३३ हजार रुपैयाँ रहेको छ ।

यस्तै बैंकको सञ्चालन नाफा १०५.२७ प्रतिशतले बढेर ८९ करोड ९० लाख २० हजार रुपैयाँ पुगेको छ । चालु आवको ९ महिनासम्ममा बैंकको इम्पेरमेन्ट चार्ज ५२ करोड १६ लाख १७ हजार रुपैयाँबाट घटेर ११ करोड ८४ लाख ९९ हजार रुपैयाँ रहेको छ ।

बैंकको बैंकको वितरणयोग्य नाफा ४३ करोड ४८ लाख ४४ हजार रुपैयाँ ऋणात्मक छ । निष्क्रिय कर्जा ४.९८ प्रतिशतबाट बढेर ७.८३ प्रतिशत पुगेको छ ।

बैंकको प्रतिशेयर आम्दानी १९ रुपैयाँ ४३ पैसा रहेको छ भने प्रतिसेयर नेटवर्थ १६३ रुपैयाँ ४३ पैसा छ । ४ अर्ब ३९ करोड ५७ लाख रुपैयाँ चुक्ता पुँजी रहेको बैंकको जगेडा कोषमा २ अर्ब ७८ करोड ८३ लाख ३ हजार रुपैयाँ छ । ६४ अर्ब ४९ करोड ८ ल ाख ७८ हजार रुपैयाँ निक्षेप संकलन गरेको बैंकले ४७ अर्ब ९८ करोड ८९ लाख ९८ हजार रुपैयाँ कर्जा लगानी गरेको छ।