काठमाडौं । रिलायन्स स्पिनिङ मिल्स लिमिटेडले योग्य संस्थागत लगानीकर्ताका लागि छुट्टाइएको साधारण सेयरको लक–इन अवधि २०८३ साउन १ गतेदेखि समाप्त हुने भएको छ।
कम्पनीका अनुसार धितोपत्र दर्ता तथा निष्कासन नियमावली, २०७३ को नियम २५(ग) उपनियम (४) बमोजिम जारी पूँजीको १०.१४ प्रतिशत अर्थात् १९ लाख २६ हजार ६ सय कित्ता साधारण सेयरमध्ये ४० प्रतिशतले हुन आउने ७ लाख ७० हजार ६ सय ४० कित्ता सेयर योग्य संस्थागत लगानीकर्तालाई निष्कासन तथा बाँडफाँट गरिएको थियो।
नेपाल स्टक एक्सचेन्ज (नेप्से) मा २०८२ फागुन १ गते सूचीकृत भएको उक्त सेयरको लक–इन अवधि छ महिनासम्म कायम रहने व्यवस्था अनुसार साउन १ गतेदेखि समाप्त हुने कम्पनीले जनाएको छ।
लक–इन अवधि समाप्त हुने जानकारी नियामक निकाय, लगानीकर्ता तथा अन्य सरोकारवालाको जानकारीका लागि सार्वजनिक सूचना जारी गरिएको कम्पनीले उल्लेख गरेको छ।
प्रतिक्रिया दिनुहोस्