काठमाडौं । सामान्य रूपमा खरिद गरिएको इनर्जी ड्रिङ्कको एउटा क्यानले मोटरसाइकल र स्कुटर जित्ने अवसर दिलाएको छ । म्याक्स टाइगर इनर्जी ड्रिङ्कको ‘दशैँ धमाका २०२६’ अभियानअन्तर्गत पुरस्कार जितेका उपभोक्ताले मोटरसाइकल तथा स्कुटर प्राप्त गर्न थालेका छन् ।

अभियानअन्तर्गत काठमाडौं र विराटनगरमा आयोजित एक्सट्रिम फ्यानजोन कार्यक्रममार्फत चार जना भाग्यशाली विजेतालाई तीन वटा मोटरसाइकल र एउटा स्कुटर हस्तान्तरण गरिएको कम्पनीले जनाएको छ ।

काठमाडौंको सिफलस्थित नेपाल प्रिमियर लिग (एनपीएल) स्क्रिनिङ स्थलमा आयोजित कार्यक्रममा काठमाडौंका सुमन कर्माचार्य र विनोद ढुंगेललाई मोटरसाइकल हस्तान्तरण गरिएको छ । म्याक्स टाइगर इनर्जी ड्रिङ्कको क्यानको बिर्कोबाट पुरस्कार जितेका दुवै विजेताले अभियानअन्तर्गत मोटरसाइकल प्राप्त गरेका हुन् ।

त्यस्तै, विराटनगरको पुरानो गुद्रीमा सञ्चालित एक्सट्रिम फ्यानजोनमा पनि दुई विजेतालाई पुरस्कार हस्तान्तरण गरिएको छ । धरानका अनोज कुमार अधिकारीले स्कुटर प्राप्त गरेका छन् भने विराटनगरका विनोद पोखरेलले मोटरसाइकल हात पारेका छन् ।

मोटरसाइकल प्राप्त गरेका सुमन कर्माचार्यले सामान्य रूपमा खरिद गरेको इनर्जी ड्रिङ्कबाट यति ठूलो पुरस्कार प्राप्त हुने कल्पनासमेत नगरेको बताए । मोटरसाइकल जितेको खबरले उत्साहित बनाएको उल्लेख गर्दै उनले पुरस्कार प्राप्त गर्दाको क्षण अझ विशेष बनेको प्रतिक्रिया दिए ।

त्यस्तै, विनोद ढुंगेलले म्याक्स टाइगरको अभियान आफ्ना लागि अप्रत्याशित खुसीको अवसर बनेको बताए । सामान्य रूपमा इनर्जी ड्रिङ्क खरिद गर्दा मोटरसाइकल जित्ने अवसर मिल्नु अनौठो अनुभव भएको उनको भनाइ छ ।

विराटनगरमा स्कुटर प्राप्त गरेका अनोज कुमार अधिकारीले पुरस्कार प्राप्त गर्नु आफ्ना लागि खुसीको क्षण भएको बताए । म्याक्स टाइगरको अभियानले आफ्नो अनुभवलाई यादगार बनाएको उनले प्रतिक्रिया दिए ।

मोटरसाइकल विजेता विनोद पोखरेलले पनि सामान्य रूपमा खरिद गरेको इनर्जी ड्रिङ्कबाट मोटरसाइकल जित्ने अवसर पाउनु विशेष उपलब्धि भएको बताए । पुरस्कार जितेको खबर पाउँदाको उत्साह पुरस्कार हस्तान्तरणसँगै थप बढेको उनको भनाइ छ ।

अझै जित्न सकिन्छ मोटरसाइकल, स्कुटर र प्रोटोन कार

म्याक्स टाइगरको ‘दशैँ धमाका २०२६’ अभियानअन्तर्गत हालसम्म १० जनाले मोटरसाइकल र ८ जनाले स्कुटर जितिसकेको कम्पनीले जनाएको छ । तर, अभियानमा पुरस्कार जित्ने अवसर अझै बाँकी छ ।

कम्पनीका अनुसार अभियानअन्तर्गत अझै ८ वटा मोटरसाइकल, १० वटा स्कुटर र बम्पर पुरस्कारका रूपमा एउटा प्रोटोन कार जित्ने अवसर रहेको छ । बम्पर पुरस्कारमा राखिएको प्रोटोन कारले उपभोक्तामाझ थप उत्सुकता र आकर्षण बढाएको कम्पनीको भनाइ छ ।

सामान्य रूपमा खरिद गरिने इनर्जी ड्रिङ्कको क्यानको बिर्कोलाई आकर्षक पुरस्कार जित्ने अवसरसँग जोड्दै म्याक्स टाइगरले देशका विभिन्न सहरका उपभोक्तालाई अभियानमा समेट्दै आएको छ ।

नेपाल प्रिमियर लिगको प्रत्यक्ष प्रसारण भइरहेका एक्सट्रिम फ्यानजोनमार्फत विजेतालाई पुरस्कार हस्तान्तरण गर्ने क्रम सुरु भएको र आगामी दिनमा पनि यसलाई निरन्तरता दिइने कम्पनीले जनाएको छ ।