Skip to content

वैदेशिक रोजगारीमा जाने श्रमिकको हवाई भाडा वृद्धि नियन्त्रण गर्न मन्त्रालयमा पत्राचार गर्दै नाट्टा 

nabil
global ime
काठमाडौं । वैदेशिक रोजगारीमा जाने नेपाली श्रमिकहरूले हवाई भाडामा भएको अस्वाभाविक वृद्धिका कारण अतिरिक्त आर्थिक भार बेहोर्नुपरेको विषयमा नेपाल वैदेशिक रोजगार व्यवसायी संघ र नेपाल एसोसिएसन अफ टुर एन्ड ट्राभल एजेन्ट्सबीच छलफल भएको छ।
आज सम्पन्न छलफलमा वैदेशिक रोजगारीमा जाने श्रमिकले हवाई टिकट खरिद गर्दा भोग्नुपरेका समस्या, हवाई भाडा निर्धारण प्रक्रिया तथा भाडा वृद्धिमा ट्राभल एजेन्सी र एयरलाइन्सहरूको भूमिकाबारे विस्तृत छलफल भएको हो।
छलफलपछि हवाई भाडामा देखिएको अस्वाभाविक वृद्धिको समस्या समाधानका लागि नेपाल नागरिक उड्डयन प्राधिकरण, बोर्ड अफ एयरलाइन्स रिप्रेजेन्टेटिभ्स इन नेपाल तथा नेपाल सरकारका सम्बन्धित मन्त्रालयहरूसँग आवश्यक छलफल र समन्वय गर्न औपचारिक रूपमा पत्राचार गर्ने सहमति भएको छ।
छलफलमा यात्रुको चाप बढी हुँदा हवाई सिट तथा टिकट उपलब्ध नहुनुलाई परिस्थितिजन्य समस्या मान्न सकिए पनि बढी मूल्य तिरेपछि मात्रै टिकट उपलब्ध हुने अवस्था कुनै पनि दृष्टिकोणबाट स्वीकार्य हुन नसक्ने धारणा व्यक्त गरिएको छ।
वैदेशिक रोजगारीमा जाने श्रमिकलाई केन्द्रमा राखेर सरकारले हवाई भाडा स्थिर र सहज बनाउने विषयमा गम्भीर पहल गर्नुपर्ने आवश्यकता औँल्याइएको छ। साथै, मुलुकका तीनवटै अन्तर्राष्ट्रिय विमानस्थललाई पूर्ण क्षमतामा सञ्चालन गर्ने तथा बजेट एयरलाइन्सहरूलाई नेपालमा सेवा विस्तारका लागि आकर्षित गर्ने नीतिगत पहल गर्नुपर्नेमा पनि जोड दिइएको छ।
वैदेशिक रोजगारीमा जाने नेपाली श्रमिकलाई हवाई भाडाको अस्वाभाविक वृद्धिबाट जोगाउँदै उनीहरूमाथि थप आर्थिक भार पर्न नदिन सम्बन्धित निकायबीच सहकार्य र समन्वय आवश्यक रहेको दुवै संस्थाको साझा निष्कर्ष रहेको छ।
Prabhu
sikhar insurance

प्रतिक्रिया दिनुहोस्

citizen life
MAK 4T