काठमाडौं । एनआइएमबी एस क्यापिटलको व्यवस्थापनमा सञ्चालन हुन लागेको बन्दमुखी योजना ‘एनआबीएल स्टेबल फन्ड’ को एकाइ बुधबार बाँडफाँट भएको छ ।
क्यापिटलले यसमा आवेदन दिएका ३९ हजार २ सय ७१ जना आवेदकलाई मागबमोजिम नै सेयर बाँडफाँट गरेको छ । क्यापिटलले बीज पुँजीसहित कुल १० करोड एकाइहरु माघ २ गतेदेखि १६ गतेसम्म निष्कासन गरेको थियो । यसमध्ये १ करोड ४० लाख इकाई कोष प्रवर्धक नेपाल इन्भेष्टमेन्ट मेगा बैंकलाई सुरक्षित गरी बाँकी ८ करोड ५० लाख इकाई सर्वसाधारणलाई खुला गरेको थियो ।
तर, ३९ हजार २ सय ७१ जना सर्वसाधारण आवेदकहरुले मागभन्दा बढी आवेदन दिएपछि योजनाको आकार बढाएर मागअनुसार बाँडफाँट गरिएको एनआइएमबी एसले जनाएको छ ।
सर्वसाधारणले ९ करोड ५८ लाख ४९ हजार १६० एकाइका लागि आवेदन दिएका थिए । यससँगै, योजनाको आकार १ अर्ब १३ करोड रुपैयाँ अर्थात ११ करोड ३० लाख इकाइ कायम गरिएको छ ।
प्रतिक्रिया दिनुहोस्