काठमाडौं । नेपाली बजारमा शुक्रबार सुन–चाँदीको मूल्य स्थिर रहेको छ। बिहीबार छापावाल सुन प्रतितोला १ लाख १८ हजार रुपैयाँमा कारोबार भएको सुन शुक्रबार पनि सोही मूल्य कायम गरिएको छ।
नेपाल सुनचाँदी व्यवसायी महासंघले आज तेजावी सुन भने प्रतितोला १ लाख १७ हजार ४ सय ५० रुपैयाँमा कारोबार भइरहेको जनाएको छ।
महासंघका अनुसार आज चाँदीको मूल्य पनि स्थिर छ। बिहीबार प्रतितोला १ हजार ४ सय रुपैयाँमा कारोबार भएको चाँदी शुक्रबार पनि सोही मूल्यमा कारोबार भइरहेको छ। आज अन्तर्राष्ट्रिय बजारमा सुन प्रतिऔंस २ हजार २१ अमेरिकी डलरमा कारोबार भइरहेको छ।
प्रतिक्रिया दिनुहोस्