एजेन्सी । अमेरिकी राष्ट्रपति डोनाल्ड ट्रम्पले चीनमा निर्मित स्मार्टफोन र अन्य इलेक्ट्रोनिक उपकरणहरूमा शुल्क छुट नदिने बताएका छन् । उउनले ती सामानहरू फरक प्रकारको ट्यारिफ बकेटमा सारिएको बताएका छन्् ।
शुक्रबार केही वस्तुहरूलाई १४५ प्रतिशतसम्मको आयात शुल्कबाट छुट दिइने घोषणा भएपछिको सोमबार बिहान युरोपेली सेयर बजारमा उछाल आएको छ । चीनले ट्रम्पलाई आफ्नो ट्यारिफ नीतिलाई पूर्ण रूपमा खारेज गर्न र पारस्परिक सम्मानको सहि मार्गमा फर्किन आग्रह गरेको छ । तर अमेरिकी अधिकारीहरूले आइतबार ती वस्तुहरू अब सेमिकन्डक्टर ट्यारीफ अन्तर्गत पर्ने बताइसकेका छन् ।
अमेरिकी वाणिज्य सचिव हावर्ड लुटनिकले हामीलाई औषधि र सेमिकन्डक्टर तथा इलेक्ट्रोनिक सामानहरू अमेरिका मै निर्माण गर्न आवश्यक भएको बताएका थिए । शनिबार सार्वजनिक गरिएको अमेरिकी भन्सार सूचनामा स्मार्टफोन, कम्प्युटर लगायत केही इलेक्ट्रोनिक सामानमा १२५ प्रतिशत ट्यारीफ छुट हुने उल्लेख गरिएको थियो ।
तर ट्रम्पले सामाजिक सञ्जालमार्फत् उक्त रिपोर्टहरू गलत भएको दाबी गर्दै भनेका छन्, “त्यसमा छुट छैन, ती केवल अर्को ट्यारीफ ‘बकेट’ मा सारिएको हो ।”
प्रतिक्रिया दिनुहोस्