काठमाडौं। नेपाल धितोपत्र बोर्डले राष्ट्र बैंकका पूर्वडेपुटी गभर्नर चिन्तामणि शिवाकोटीको संयोजकत्वमा बनेको समितिको रिपोर्ट सार्वजनिक गर्ने भएको छ ।

नयाँ स्टक एक्सचेन्जको लाइसेन्सको विषयमा विवाद भएको बेला तत्कालीन प्रधानमन्त्री पुष्पकमल दाहाल‘प्रचण्ड’ले राष्ट्र बैंकका सञ्चालकसमेत रहेका शिवाकोटीको नेतृत्वमा समिति गठन गरेका थिए ।

शिवाकोटीको समितिले नयाँ लाइसेन्ससहित अहिले सञ्चालनमा रहेको नेपाल स्टक एक्सचेन्ज(नेप्से)को पुनर्संरचना गर्नुपर्ने प्रतिवेदन दिएको थियो । प्रतिवेदन सरकार परिवर्तन भएसँगै त्यसलाई स्विकार गर्ने कार्यान्वयनको लागि धितोपत्र बोर्डमा पठाउने निर्णय भएको थियो ।

सोअनुसार धितोपत्र बोर्डले शिवोकोटीले समितिले बुझाएको प्रतिवेदन बोर्डले सार्वजनिक गर्ने निर्णय गरेको हो । आगामी साता बोर्डले शिवाकोटीको समितिले तयार पारेको प्रतिवेदन सार्वजनिक गर्ने छ ।