काठमाडौं । नेपाली बजारमा आज पनि सुनको मूल्य घटेको छ । अघिल्लो दिन तोलाको ४०० रुपैयाँले घटेको सुन आज १ हजार २०० रुपैयाँले सस्तो भएको हो ।
नेपाल सुनचाँदी व्यवसायी महासंघका अनुसार आज सुनको मूल्य तोलामा १ लाख ४९ हजार ३०० रुपैयाँमा कारोबार भइरहेको छ । अघिल्लो दिन सुनको मूल्य तोलामा १ लाख ५० हजार ५०० रुपैयाँमा कारोबार भएको थियो ।
पछिल्लो समय नेपाल सरकारले सुनको भन्सारदर घटाएसँगै सुनको मूल्य घटिरहेको छ । त्यस्तै आज चाँदीको मूल्य पनि तोलामा २५ रुपैयाँले सस्तो भएको छ । आज चाँदी तोलाको १ हजार ८१५ रुपैयाँमा कारोबार भइरहेको छ । अघिल्लो दिन चाँदी तोलाको १ हजार ८४० रुपैयाँमा कारोबार भएको थियो ।
प्रतिक्रिया दिनुहोस्