काठमाडौं । बिहीबारको सेयर कारोबार जारी रहँदा सिक्लेस हाइड्रोपावर लिमिटेडको सेयर मूल्यमा पनि सकारात्मक सर्किट लागेको छ । आज दिउसो साढे २ बजेको कारोबार समयमा यो कम्पनीको सेयर मूल्यमा सकारात्मक सर्किट लागेको हो ।
यो कम्पनकिो सेयर मूल्य ९१ रुपैयाँ ५० पैसाले बढेर १ हजार ६ रुपैयाँ ५० पैसा पुगेको छ । यो अघिल्लो दिनको भन्दा १० प्रतिशतले धेरै हो । आज समग्रमा सेयर बजार घटेर कारोबार भइरहँदा कर्पोरेट डेभलपमेन्ट बैंक र सामुदायिक लघुवित्तको सेयर मूल्यमा पनि सकारात्मक सर्किट लागेको छ ।
यो अवस्थामा सेयर बजार परिसूचक भने २० दशमलव ११ अंकले घटेर २६४५ दशमलव ३४ विन्दुमा पुगेको छ । यो अवधिसम्ममा सेयर बजारमा ६ अर्ब ४४ करोड बढीको कारोबार भएको छ ।
प्रतिक्रिया दिनुहोस्