काठमाडौं । नेपाली बजारमा आज पनि सुनको मूल्य बढेको छ । आज सुन तोलामा ६०० रुपैयाँले बढेको हो ।
अघिल्लो दिन पनि सुन तोलामा १ हजार ४०० रुपैयाँले बढेको थियो । नेपाल सुनचाँदी व्यवसायी महासंघका अनुसार आज सुन तोलामा १ लाख ७० हजार २०० रुपैयाँ पुगेको छ । अघिल्लो दिन सुन तोलामा १ लाख ६९ हजार ६०० रुपैयाँमा कारोबार भएको थियो ।
पछिल्लो समय नेपाली बजारमा सुनको मूल्य कीर्तिमान नजिक पुगेको छ । सरकारले १० प्रतिशत कर घटाएपछि १ लाख ७१ हजार रुपैयाँसम्म पुगेको सुन १ लाख ४८ हजार रुपैयाँसम्म झरेको थियो । तर, अहिले फेरि सुनको मूल्य बढ्न थालेको हो ।
महासंघका अनुसार आज चाँदीको मूल्य तोलामा ३० रुपैयाँले घटेको छ । आज चाँदी तोलामा १ हजार ९४५ रुपैयाँमा कारोबार भएको छ । अघिल्लो दिन चाँदी १ हजार ९७५ रुपैयाँमा किनबेच भएको थियो ।
प्रतिक्रिया दिनुहोस्