काठमाडौं । बहुव्यापारिक कर्पोरेसन र अग्रणी भारतीय एफएमसीजी समूह धरमपाल सत्यपाल ग्रुप (डीएस ग्रुप) ले भारतीय एथ्निक कन्फेक्सनरी र माउथ फ्रेसनर ब्रान्डहरूलगायत आफ्ना लोकप्रिय कन्फेक्शनरीहरु नेपालमा आधिकारिक रुपमा उपलब्ध गराएको छ ।

कम्पनीको यस रणनीतिक कदमले विश्वव्यापी रुपमा विस्तार गर्दै नेपाली उपभोक्ताहरूलाई यसको प्रतिष्ठित उत्पादनहरूसँग परिचय गराएको छ । यी उत्पादनहरु नेपालमा वितरण गर्नको लागि एलजी इन्टरनेशनललाई अन–ग्राउन्ड व्यापार साझेदारको रूपमा नियुक्त गरिएको छ ।

काठमाडौंमा आयोजित एक डिलर कार्यक्रमको साथ यी उत्पादनहरु नेपालमा उपलब्ध भएको घोषणा गरिएको थियो । कार्यक्रममा प्रमुख वितरकहरू र सरोकारवालाहरूलाई भारतीय स्वादका कन्फेक्सनरी उत्पादनहरू सहित मिठाईका विविध रेञ्जबारे परिचय गराइएको थियो । यसमा रजनीगन्धा सिल्भर पल्र्स, पास पास जस्ता ताजा माउथ फ्रेसनरहरू र पल्स क्यान्डी, लभिट र चेरियो (हार्ड बोइल्ड क्यान्डी) जस्ता लोकप्रिय क्यान्डी, च्युइङ गमहरू समावेश छन्।

‘डीएस ग्रुप भारतीय स्वादको कन्फेक्सनरी सेगमेन्ट सहितको आफ्नो कन्फेक्सनरीहरूको अद्वितीय स्वाद नेपाली बजारमा ल्याउन पाउँदा उत्साहित छ,’ भारतका लागि डीएस ग्रुपका वरिष्ठ निर्यात प्रबन्धक तनुज कुमारले भने, ‘हाम्रा नवीनतम उत्पादन पोर्टफोलियोले उच्च गुणस्तर र स्वादिष्ट परिकारहरू खोजिरहेका नेपाली उपभोक्ताहरूलाई आकर्षित गर्नेछ भन्ने हाम्रो विश्वास छ ।

हामी नेपालभर यी उत्पादनहरूको सफल र व्यापक उपलब्धता सुनिश्चित गर्न प्रतिबद्ध छौं । हाम्रो टोली हाम्रा साझेदारहरूलाई सहयोग प्रदान गर्न र चुस्त उपभोक्ता अनुभव प्रदान गर्न समर्पित छ ।’

नेपाली कन्फेक्सनरी बजार डीएस ग्रुपको लागि महत्त्वपूर्ण वृद्धिको अवसरका रुपमा रहेको छ। नेपालको समान परम्परा, विश्वास, स्वाद र प्राथमिकताहरू, भारतीय ब्रान्डहरूप्रतिको उच्च स्वीकार्यता तथा विशाल भारतीय पर्यटक संख्याको संयोजनले नेपाल एउटा आशाजनक बजार बनेको छ ।

डीएस ग्रुपले नेपाली एफएमसीजी क्षेत्रको विकासमा योगदान पु¥याउँदै अद्वितीय यूएसपीहरू सहित उच्च गुणस्तर र नवीन उत्पादनहरू प्रदान गरेर पर्याप्त बजार हिस्सा कब्जा गर्ने लक्ष्य राखेको छ ।

यो विस्तारले स्थानीय अर्थतन्त्रमा योगदान पु¥याउँदै नेपालमा रोजगारीका अवसरहरू सिर्जना गर्नेछ । गुणस्तर, नवीनता र उपभोक्ता सन्तुष्टिमा डीएस ग्रुपको ध्यान केन्द्रित छ जसले यो गतिशील बजारमा सफल हुन सहयोग गर्दछ ।

हालै डीएस ग्रुपको कन्फेक्शनरी डिभिजनले आर्थिक वर्ष २०२३/२४ मा वार्षिक बिक्री कारोबारमा भारु १,००० करोड पार गरेर महत्वपूर्ण उपलब्धि हासिल गरेको छ । भारतमा डीएस ग्रुप गैरचकलेट श्रेणीमा दोस्रो ठूलो कन्फेक्सनरी उत्पादक तथा उद्योगमा सबैभन्दा ठूलो, द्रुत गतिमा बढ्दो भारतीय कन्फेक्सनरी उत्पादकहरूमध्ये एक हो जसले हार्ड बोइल्ड क्यान्डी र भारतीय एथ्निक कन्फेक्सनरीहरूमा नेतृत्वदायी स्थान ओगटेको छ ।

दिगोपनमा जोड दिँदै कन्फेक्सनरी उत्पादनहरूको वितरणका लागि ८०० भन्दा धेरै विद्युतीय सवारी साधनहरूको व्यवस्था गरिएको छ, जसले स्वच्छ र सफा वातावरणमा योगदान पुर्याउँछ । डीएस ग्रुप ईएसजी क्षेत्रमा योजनाबद्ध गहन लगानीको साथ जिम्मेवार विस्तारतर्फ अग्रसर छ ।

यसको उद्देश्य डीएस ग्रुपलाई इमानदारीका साथ नेतृत्व गर्ने उच्चतम व्यावसायिक र नैतिक मापदण्डहरूमार्फत सन्चालन गर्नु हो, र साझेदारहरू, सहकर्मीहरू र समाजको विश्वास कायम राख्दै जिम्मेवारीपूर्वक प्रभाव पार्नु हो ।

डीएस ग्रुपको नवीनता र गुणस्तर प्रतिबद्धताको संस्कृति डिएसएफएल व्यवसायका सबै खण्डहरूमा स्पष्ट छ । कम्पनीले पल्स, पास पास, रजनीगन्धा पल्र्स, चिङ्गल्स, पल्स नाटकरे, र हालै अधिग्रहण गरिएको लभिट जस्ता प्रमुख ब्रान्डहरूको लागि आकर्षक ब्रान्ड स्टोरीज र विशिष्ट उपभोक्ता प्रस्तावहरू तयार पारेको छ ।

हार्ड बोइल्ड क्यान्डी बजारको प्रतिस्पर्धात्मक प्रकृतिको बावजुद, डीएसएफएलको ब्रान्ड ‘पल्स’ ले विगत ८ वर्षदेखि मार्केट लिडरको रूपमा आफ्नो स्थान कायम राखेको छ । प्रतिस्पर्धी भारतीय एथ्निक कन्फेक्सनरी खण्डमा डीएसएफएल आफ्नो विविध उत्पादनरूको साथमा अलग्गै देखिन्छ ।

‘पास पास’ले स्वादहरूको मिश्रणको आनन्द प्रदान गर्दछ भने ‘रजनीगन्धा पल्र्स’ ले एउटै स्वादयुक्त उत्पादनको अनुभव प्रदान गर्दछ । निरन्तर नवप्रवर्तन मार्फत डीएसएफएलले भारतीय स्थानीय कन्फेक्सनरीलाई ब्रान्डेड र सफलतापूर्वक व्यवस्थित बजारमा रूपान्तरण गरेको छ, जसले उपभोक्ताहरूलाई उनीहरूको प्राथमिकता अनुरूप अद्वितीय विकल्पहरू प्रदान गर्दछ ।

कम्पनीले आधुनिक भारतको स्वाद र रुचीको आफ्नो जन्मजात बुझाइको लाभ उठाउँदै, जेन जी पुस्ताका बानीहरूमा ध्यान केन्द्रित गर्दै, आधुनिक व्यापार च्यानलहरूलाई बलियो बनाउँदै, प्रभावकारी मार्केटिङमा पूँजीकरण गर्दै, र उत्पादन पहुँच बढाउन नयाँ–युगका प्रविधिहरूको प्रयोग गर्दै रणनीतिक रूपमा आफ्नो एथ्निक उत्पादन पोर्टफोलियो व्यवस्थापन गरिरहेको छ । यसले ‘क्रिएट ह्वाट इज वर्थ क्रिएटिङ्ग’ अर्थात् ’जे सिर्जना गर्नु उपयुक्त छ त्यही सिर्जना गर’ भन्ने कर्पोरेट विचारधारालाई जोड दिन्छ ।