काठमाडौं । राष्ट्रिय स्वतन्त्र पार्टी (रास्वपा) को उपसभापतिमा डा. स्वर्णिम वाग्ले निर्विरोध निर्वाचित भएका छन् ।

महाधिवेशनबाट पुरुषतर्फको उपसभापतिमा डा. वाग्लेको मात्र उम्मेदवारी परेपछि उनी निर्विरोध निर्वाचित भएका हुन् ।

नवनिर्वाचित केन्द्रीय सदस्य डा. वाग्लेको प्रस्तावकमा सोही पदका आकांक्षी एवं नवनिर्वाचित केन्द्रीय सदस्य विराजभक्त श्रेष्ठ रहेका थिए । वाग्लेले पहिलो चरणको केन्द्रीय सदस्यको निर्वाचनमा सबैभन्दा बढी मत ल्याएर निर्वाचित भएका थिए । उनले २६५६ मत प्राप्त गरेका थिए ।