काठमाडौं । सभामुख डीपी अर्यालसँग प्रधानमन्त्री बालेन्द्र शाहले भेटवार्ता गरेका छन्। भेटका क्रममा प्रतिनिधि सभाको बैठकलाई थप प्रभावकारी, मर्यादित र परिणाममुखी बनाउने विषयमा छलफल भएको सभामुखको सचिवालयले जनाएको छ।
मंगलबार सभामुख अर्यालले नेकपा (एमाले) का संसदीय दलका नेता रामबहादुर थापासँग पनि छुट्टै भेटवार्ता गरेका थिए । यसैगरी, विपक्षी दलका नेता भिष्मराज आङदेम्बे तथा नेपाल कम्युनिष्ट पार्टीका नेता वर्षमान पुनसँग पनि उनले छुट्टाछुट्टै छलफल गरेका छन् ।
सभामुख अर्यालले सोही दिन विभिन्न राजनीतिक दलका प्रमुख सचेतक तथा सचेतकहरूसँग समेत बैठक गरेका थिए । उक्त छलफलमा प्रतिनिधि सभाको कार्य सञ्चालनलाई थप प्रभावकारी बनाउने, संसद्को मर्यादा कायम राख्ने तथा आगामी बैठकका कार्यसूचीलाई व्यवस्थित ढङ्गले अघि बढाउने विषयमा विचार आदानप्रदान भएको सचिवालयले जनाएको छ।
प्रतिक्रिया दिनुहोस्