काठमाडौं । लामो समयपछि सेयर बजार मापक परिसूचक नेप्से २६ सय बिन्दुभन्दा तल झरेको छ । सोमबारको कारोबारपछि नेप्से २६ सय बिन्दुको तल आएको हो ।
सोमबार सेयर बजार मापक नेप्से परिसूचक १९.१३ अंकले घटेर २५९९.५८ बिन्दुमा झरेको छ । यसअघि असार ३२ गते नेप्से परिसूचक २५९७.८० बिन्दुमा रहेको थियो ।
नेप्सेसँगै यस दिन कारोबार रकम पनि घटेको छ। गत शुक्रबार ४ अर्ब १६ करोड रुपैयाँबराबरको सेयर कारोबार भएको बजारमा आज ३ अर्ब २३ करोड ९७ लाख ६० हजार रुपैयाँबराबरको कारोबार भएको छ ।
आज कारोबारमा आएको १३ वटै उपसमूहको परिसूचक घटेका छन्। जसमध्ये जलविद्युत उपसमूहको परिसूचक आज सबैभन्दा धेरै घटेको छ ।
आज सर्वोत्तम पेन्ट्सको सेयरमा सकारात्मक सर्किट लागेको छ । कारोबार रकमका आधारमा यस दिन रिलायन्स स्पिनिङ्ग मिल्स शीर्ष स्थानमा रहेको छ। सो कम्पनीको यस दिन १२ करोड ७२ लाख रुपैयाँबराबरको सेयर कारोबार भएको छ।
प्रतिक्रिया दिनुहोस्