काठमाडौं । सुजुकी गाडीहरूको नेपालस्थित आधिकारिक वितरक सुजुकी नेपालले नयाँ पुस्ताको बहुउपयोगी सवारी ‘नयाँ ब्रेजा’ सार्वजनिक गरेको छ। पहिलोपटक टर्बो प्रविधियुक्त इन्जिन र नयाँ ६ गियरयुक्त म्यानुअल प्रणालीसहित आएको यो सवारीलाई कम्पनीले अझ शक्तिशाली, इन्धन बचत गर्ने र सुरक्षित मोडलका रूपमा प्रस्तुत गरेको हो।

कम्पनीका अनुसार नयाँ ब्रेजा भदौ ९ देखि १४ गतेसम्म सञ्चालन हुने नाडा अटो प्रदर्शनी २०८३ मा सुजुकीको प्रदर्शनी कक्षमा राखिनेछ। प्रदर्शनीमा अवलोकनकर्ताले सवारी प्रत्यक्ष हेर्न, परीक्षण सवारीका लागि नाम दर्ता गर्न तथा विभिन्न सुविधाबारे जानकारी लिन सक्नेछन्।

नयाँ ब्रेजामा जडान गरिएको टर्बो प्रविधियुक्त इन्जिनले ५ हजार ५ सय घुम्ती प्रतिमिनेटमा अधिकतम ८१ किलोवाट शक्ति र २ हजारदेखि ३ हजार ५ सय घुम्ती प्रतिमिनेटमा १७० न्युटन–मिटर टर्क उत्पादन गर्छ। कम्पनीका अनुसार यसले सहरका सडकदेखि राजमार्गसम्म सहज र भरपर्दो यात्रा अनुभव प्रदान गर्नेछ। नयाँ ६ गियरयुक्त म्यानुअल प्रणालीले चालकलाई थप नियन्त्रण र सहज सञ्चालनको अनुभव दिने बताइएको छ।

यसका साथै उन्नत मिश्रित प्रविधियुक्त के–१५ सी इन्जिन विकल्प पनि उपलब्ध रहेको कम्पनीले जनाएको छ। स्टीयरिङबाटै गियर परिवर्तन गर्न मिल्ने ६ गियरयुक्त स्वचालित प्रणालीको विकल्प समेत ग्राहकले रोज्न सक्नेछन्।

बाह्य स्वरूपतर्फ नयाँ ब्रेजामा नयाँ अगाडिको जाली, बलियो सुरक्षा संरचना, तल्लो भागको आकर्षक आवरण तथा परिमार्जित दुई रङ संयोजन भएको बाहिरी बनावट प्रयोग गरिएको छ। नयाँ डिजाइनका चक्काले यसको युवा र आकर्षक पहिचानलाई थप बलियो बनाएको कम्पनीको दाबी छ।

भित्री भागमा गाढा खैरो र कालो रङको संयोजन, आरामदायी सिट, हावा प्रवाह हुने अगाडिका सिट, सूक्ष्म धुलो फिल्टरसहितको हावा शुद्धीकरण प्रणाली तथा चिसो बनाइराख्ने सुविधा भएको ताररहित मोबाइल चार्ज गर्ने व्यवस्था उपलब्ध छ। यी सुविधाले यात्रुलाई थप सहज अनुभव दिने कम्पनीको भनाइ छ।

प्रविधिका हिसाबले नयाँ ब्रेजामा १० दशमलव १ इन्चको स्पर्शमार्फत सञ्चालन हुने मनोरञ्जन तथा सूचना प्रणाली जडान गरिएको छ। यसमा ताररहित मोबाइल जडान सुविधा, उच्चस्तरीय ध्वनि प्रणाली तथा ६४ प्रकारका वातावरणीय प्रकाश व्यवस्था उपलब्ध छन्।

सुरक्षातर्फ उच्च क्षमतायुक्त इस्पात प्रयोग गरिएको बलियो संरचना, पछाडि वा छेउबाट आउने सवारीको चेतावनी, लेन परिवर्तन सचेतना, टायरको हावाको दबाब मापन प्रणाली, आकस्मिक रोकाइ संकेत तथा सवारीबाट बाहिर निस्कँदा सचेत गराउने सुविधा समावेश गरिएको छ। साथै तीन कोणबाट दृश्य देखाउने ३६० डिग्री क्यामेरा र अगाडि–पछाडिका पार्किङ सेन्सरले सुरक्षा तथा सहजता थप्ने कम्पनीले जनाएको छ।

नयाँ ब्रेजाले वयस्क तथा बालबालिका दुवैको सुरक्षामा भारतको सवारी सुरक्षा मूल्याङ्कन संस्थाबाट पाँच तारे सुरक्षा मान्यता प्राप्त गरेको कम्पनीको दाबी छ।

रङ विकल्पमा चम्किलो सुन्तला र आकर्षक बेज रङसहित कालो, खैरो, रातो, चाँदी तथा सेतो रङ उपलब्ध छन्। दुई रङको संयोजन भएका संस्करण पनि बजारमा उपलब्ध रहने कम्पनीले जनाएको छ।

बहुउपयोगी सवारीको बजारमा बढ्दो प्रतिस्पर्धाबीच सुजुकीले नयाँ ब्रेजामार्फत शक्ति, सुरक्षा, प्रविधि र आकर्षक स्वरूपको संयोजन प्रस्तुत गर्दै नेपाली बजारमा आफ्नो उपस्थितिलाई थप बलियो बनाउने लक्ष्य राखेको जनाएको छ।