काठमाडौं । नेपाल बैंकर्स संघको पहिलो एसोसिएट सदस्यका रूपमा नेपाल इन्फ्रास्ट्रक्चर बैंक लिमिटेड (निफ्रा) आबद्ध भएको छ । निफ्राको एसोसिएट सदस्यतासँगै नेपाल बैंकर्स संघको संस्थागत सञ्जाल थप विस्तार भएको छ ।

सदस्यताले पूर्वाधार वित्त, दीर्घकालीन लगानी, स्रोत परिचालन, जोखिम व्यवस्थापन लगायतका विषयमा देखिएका नीतिगत तथा व्यवहारिक चुनौतीहरूलाई सम्बन्धित सरोकारवाला समक्ष सामूहिक रूपमा प्रस्तुत गर्न तथा आवश्यक साझा धारणा निर्माण गर्न तथा नीतिगत सिफारिस र सुझावहरू प्रस्तुत गर्न यस सहकार्यले थप आधार प्रदान गर्नेछ ।

साथै, निफ्राको पूर्वाधार वित्त तथा लगानी सम्बन्धी अनुभव र विशेषज्ञताले संघका अध्ययन, अनुसन्धान, नीति संवाद तथा ज्ञान आदान–प्रदानमा साझा सिकाइका अवसर सिर्जना गर्ने विश्वास लिइएको छ ।