काठमाडौं । काठमाडौंको गौरीघाटस्थित बागमती नदी किनार, कमलपोखरी लगायतका स्थानमा छठ पर्व मनाइएको छ ।
तराई क्षेत्रमा विशेष महत्त्वका साथ मनाइने छठ पर्व पछिल्लो समय काठमाडौं लगायत देशका विभिन्न स्थानमा पनि हर्षोल्लासका साथ मनाइएको छ ।
छठमा राष्ट्रपति रामचन्द्र पौडेल, प्रथम महिला सविता पौडेल, काठमाडौं महानगरपालिकाका कार्यवाहक प्रमुख सुनिता डंगोल तथा सर्वसाधारण सभागी भएका छन् ।
तराई मूलका नेपाली समुदायले आफ्नो मौलिक संस्कृति, परम्परा र धार्मिक आस्थालाई जोगाउँदै काठमाडौंमा समेत विधिपूर्वक छठ पूजा गर्दै आएका छन् ।
अस्ताउँदो सूर्यलाई अर्घ्य अर्पण गर्दै मनाइने यस पर्वले धार्मिक आस्था, पारिवारिक सुख, समृद्धि र सामाजिक सद्भावको सन्देश बोकेको छ।
तस्बिर: रासस














प्रतिक्रिया दिनुहोस्