काठमाडौं । पोखरा अन्तर्राष्ट्रिय विमानस्थल निर्माण गर्दा ८ अर्ब ३६ करोड ७३ लाख ५५ हजार २९७ रुपैयाँ लागत अनुमान बढाएर भ्रष्टाचार भएको अख्तियार दुरुपयोग अनुसन्धान आयोगले निष्कर्ष निकालेको छ ।

अख्तियारले आइतबार विशेष अदालतमा दायर गरेको मुद्दामा ५५ जनालाई प्रतिवादी बनाएर भ्रष्टाचार मुद्दा दर्ता गरेको छ । अख्तियारले सबै प्रतिवादीबाट बढाइएको लागत अनुमान बराबरकै ८ अर्ब ३६ करोड रुपैयाँ विगो माग गरेको छ ।

अख्तियारले पोखरा विमानस्थल निर्माण गर्दा अनियमिता गरेको भन्दै पूर्व संस्कृति, पर्यटन तथा नागरिक उड्‍डयन मन्त्रीहरु रामकुमार श्रेष्ठ, तत्कालीन मन्त्री भीम प्रसाद आचार्य, दिपक चन्द्र अमात्य, अर्थ तत्कालीन अर्थ मन्त्री डा. रामशरण महतसहित ५५ जनालाई प्रतिवादी बनाएको छ ।