काठमाडौं । बुधबार सेयर बजार घटेर बन्द भएको छ । बुधबार सेयर बजार मापक नेप्से परिसूचक १४.४५ अंक घटेर २६६०.०२ विन्दुमा झरेको छ। यसैगरी, आज सेन्सेटिभ इण्डेक्स २.६० अंक घटेको छ भने फ्लोट इण्डेक्स ०.९८ अंक र सेन्सेटिभ फ्लोट इण्डेक्स ०.८३ अंक घटेको छ।

आज सेयर बजार घटेको भएता पनि कारोबार रकममा भने मंगलबारको तुलनामा सुधार आएको छ । मंगलबार ४ अर्ब ३६ करोड रुपैयाँबराबरको सेयर कारोबार भएको बजारमा बुधबार ४ अर्ब ४१ करोड ८६ लाख ७ हजार रुपैयाँबराबरको सेयर कारोबार भएको छ।

आज कारोबारमा आएको १३ उपसमूहमध्ये दुई उपसमूहको परिसूचक बढेको छ भने ११ उपसमूहको परिसूचक घटेको छ। आज वित्त र व्यापार उपसमूहको परिसूचक सामान्य अंक बढेको हो। कारोबारमा आएको उत्पादन तथा प्रशोधन उपसमूहको परिसूचक यस दिन सर्वाधिक १.१० प्रशित घटेको छ।

आज कारोबारमा आएको टक्सार पिखुवा खोला हाइड्रोपावर र याम्बालिङ्ग हाइड्रोपावरको सेयरमा सकारात्मक सर्किट लागेको छ । कारोबार रकमका आधारमा आज आँखु खोला जलविद्युत कम्पनी शीर्ष स्थानमा रहेको छ। सो कम्पनीको आज २९ करोड ६२ लाख रुपैयाँबराबरको सेयर कारोबार भएको छ।