काठमाडौं । बुधबार सेयर बजार बढेको छ। बुधबार सेयर बजार मापक नेप्से परिसूचक ४.७९ अंकले बढेर २६६७.९७ बिन्दुमा पुगेको छ।

आज नेप्से परिसूचकसंगै कारोबार रकम पनि बढेको छ। मंगलबार ४ अर्ब ७ करोड ८ लाख ५३ हजार ६१० रुपैयाँको बराबरको सेयर कारोबार भएको बजारमा आज ४ अर्ब ४० करोड ९८ लाख ८६ हजार ४५७ रुपैयाँ बराबरको सेयर कारोबार भएको छ ।

आज कारोबारमा आएको १२२ कम्पनीको सेयर मूल्य बढेको छ भने १४३ कम्पनीको सेयर मूल्य घटेको छ। यसैगरी, ११ कम्पनीको सेयर मूल्य यथावत रहेको छ ।

आज कारोबारमा आएको १३ उपसमूहमध्ये ५ उपसमूहको परिसूचक बढेको छ भने ८ उपसमूहको परिसूचक घटेको छ। आज व्यापार उपसमूहको परिसूचक सर्वाधिक १.६० प्रतिशत बढेको छ। यसैगरी, आज जलविद्युत उपसमूहको परिसूचक करिब साढे ४ प्रतिशत बढेको छ भने होटल तथा पर्यटन, उत्पादन तथा प्रशोधन र अन्य उपसमूहको परिसूचक सामान्य अंक बढेको छ।

आज कारोबारमा आएको सोलु हाइड्रोपावर कम्पनीको लगानीकर्ताले सबैभन्दा धेरै बढेको छ।  आज यस कम्पनीको सेयरमूल्य १५ प्रतिशत बढेको हो । कारोबार रकमका आधारमा आज सोलु हाइड्रोपावर शीर्ष स्थानमा रहेको छ। सो कम्पनीको आज ५८ करोड १० लाख रुपैयाँबराबरको शेयर किनबेच भएको छ।