काठमाडौं । साताको दोस्रो कारोबार दिन मंगलबार सेयर बजारमा सुधार देखिएको छ । साताको पहिलो कारोबार दिन सोमबार घटेको सेयर बजारमा मंगलबार सुधार देखिएको छ ।
मंगलबार सेयर बजार मापक नेप्से परिसूचक ६.६२ अंक बढेर २६६४.१३ विन्दुमा पुगेको छ । नेप्से परिसूचकमा सुधार देखिएको भएता पनि आज कारोबार रकम भने घटेको छ ।
साताको पहिलो कारोबार दिन सोमबार ७ अर्ब १८ करोड रुपैयाँबराबरको सेयर कारोबार भएको बजारमा आज ५ अर्ब ६५ करोड ११ लाख ४२ हजार रुपैयाँबराबरको सेयर कारोबार भएको छ ।
आज कारोबारमा आएको १३ उपसमूहमध्ये ९ उपसमूहको परिसूचक बढेको छ । बाँकी ४ उपसमूहको परिसूचक घटेको छ।
आज कारोबारमा आएका १४३ कम्पनीको सेयर मूल्य बढेको छ । कारोबारमा आएको १२२ कम्पनीको सेयर मूल्य घटेको छ भने १४ कम्पनीको सेयर मूल्य यतावथ रहेको छ ।
शिखर पावर डेभलपमेन्टको सेयरमूल्य सर्वाधिक ५.९४ प्रतिशत बढेको छ। बाँकी कम्पनीको सेयरमूल्य ५ प्रतिशतभन्दा कम बढेको छ ।
कारोबार रकमका आधारमा आज ग्लोबल आइएमई बैंक उच्च स्थानमा रहेको छ। आज यस बैंकको २३ करोड १४ लाख रुपैयाँबराबरको सेयर कारोबार भएको छ।
प्रतिक्रिया दिनुहोस्