काठमाडौं । साताको अन्तिम कारोबार दिन शुक्रबार सेयर बजार सामान्य बढेको छ । शुक्रबार सेयर बजार मापक नेप्से २.६४ अंक बढेर २६५५.२२ विन्दुमा पुगेको छ।
नेप्से बढेपनि आज कारोबार रकम भने घटेको छ। बिहीबार ४ अर्ब ७२ करोड रुपैयाँबराबरको सेयर खरिदबिक्री ३ अर्ब ४६ करोड २० लाख ५९ हजार रुपैयाँबराबरको कारोबार भएको थियो ।
आज १३ उपसमूहमध्ये आज १२ उपसमूहको परिसूचक बढेको छ भने १ उपसमूहको परिसूचक घटेको छ। आज अन्य उपसमूहबाहेक सबै उपसमूहको परिसूचक सामान्य अंक बढेको हो। अन्य उपसमूहको परिसूचक भने आज ०.८८ प्रतिशत घटेको छ।
क्रेष्ट माइक्रो लाइफ इन्स्योरेन्सको सेयरमूल्य यस दिन सर्वाधिक १४.०८ प्रतिशत बढेको छ। आज बेनी हाइड्रोपावर प्रोजेक्टको सेयरमूल्य साढे ५ प्रतिशतभन्दा बढी बढेको छ भने अन्य स्टकहरूको मूल्य वृद्धिदर साढे ३ प्रतिशतभन्दा कम रहेको छ। कारोबारमा आएको घोराही सिमेन्ट इण्डष्ट्रीको सेयरमूल्य आज सर्वाधिक ४.४३ प्रतिशत घटेको छ।
कारोबार रकमका आधारमा आज घोराही सिमेन्ट इण्डष्ट्री शीर्ष स्थानमा रहेको छ। सो कम्पनीको आज २१ करोड ६३ लाख रुपैयाँबराबरको सेयर कारोबार भएको छ।
प्रतिक्रिया दिनुहोस्