काठमाडौं । न्यूरोड क्षेत्रमा फुटपाथ बिस्तार गर्ने काठमाडौं महानगरपालिका प्रमुख बालेन्द्र शाह(बालेन)को योजनालाई अदालतले साथ दिएको छ ।
उच्च अदालत पाटनका न्यायाधीशद्धय ध्रुवराज नन्द र प्रकाश खरेलको संयुक्त इजलासले न्यूरोडमा फुटपाथ विस्तार रोक्ने निर्णय गरेको सडक विभागको विपक्षमा फैसला गरेको हो ।
अदालतले सडक विभाग अन्तर्गतको डिभिजन सडक कार्यालयले काठमाडौं महानगरपालिकालाई लेखेको पत्र कार्यान्वयन नगर्न अन्तरिम आदेश दिएको हो ।
उच्च अदालतले सडक डिभिजन कार्यालय काठमाडौंले गत जेठ १३ गते र १६ गते महानगरपालिकालाई पठाएको पत्र यो रिटको अन्तिम टुंगो नलाग्दासम्म यथास्थितमा राख्न अन्तरिम आदेश दिएको हो ।
सडक विभागले काठमाडौं महानगरले फुटपाथलाई बढाउने योजना अन्तर्गत बढाएको योजनालाई अवरुद्ध गरेको थियो ।
प्रतिक्रिया दिनुहोस्