काठमाडौ । घोराही सिमेन्टले डेडिकेटेड फिडर तथा ट्रंक लाइन बक्यौता बापतको पहिलो किस्ता तिरेको छ ।

नेपाल विद्युत प्राधिकरणका कार्यकारी निर्देशक मनोज सिलवालले घोराही सिमेन्टले आज पहिलो किस्ता बापत १ करोड ८१ लाख रुपैयाँ बक्यौता बुझाएको बताए ।

यो सँगै प्राधिकरणले उद्योगमा विद्युत लाइन जडान गरेको छ ।

२०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको प्रिमियम महसुलको पहिलो किस्ता बापत १ करोड ८१ लाख रुपैयाँ पहिलो किस्ता बुझाएको हो ।

उद्योग वाणिज्य महासंघले प्रधानमन्त्री शुसिला कार्की लगायत उच्च सरकारी अधिकारीसँग उच्चस्तरिय छलफल पश्चात डेडिकेटेड फिडर र ट्रंकलाइनको शुल्क सम्बन्धि विवादको मध्यमार्गी प्रस्ताव ल्याएको थियो ।

प्रधानमन्त्री कार्की सहित अर्थमन्त्री रामेश्वर खनाल, उर्जामन्त्री कुलमान घिसिंग, उद्योग वाणिज्य मन्त्री अनिल सिन्हा, मुख्य सचिव एकनारायण अर्याल, सचिवहरु र नेपाल उद्योग वाणिज्य महासंघका अध्यक्ष ढकालबीचको छलफलले मध्यमार्गी प्रस्तावमा सहमत जनाएपछि उद्योगहरुले २०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको प्रिमियम महसुलको पहिलो किस्ता बुझाउन थालेका हुन्