काठमाडौं । कालिन्चोक हाइड्रोपावर कम्पनीले सर्वसाधारणका लागि निष्कासन गरेको साधारण सेयर (आईपीओ)मा आवेदन दिन आज अन्तिम दिन हो । आज कार्यालय समयसम्म मात्रै आईपीओमा आवेदन दिन सकिने छ ।

कम्पनीले धितोपत्र बोर्डबाट १३ लाख ७५ हजार कित्ता सेयर निष्कासन गर्न अनुमति पाएको छ । जसमा ५ लाख ५० हजार कित्ता सेयर स्थानीय बासिन्दा, ८२ हजार ५०० कित्ता वैदेशिक रोजगारीमा रहेका नेपालीका लागि निष्कासन गरिसकेको छ ।

यस्तै ४१ हजार २५० कित्ता सामूहिक लगानी कोष, १६ हजार ५०० कित्ता कम्पनीका कर्मचारीका लागि छुट्याएको छ। बाँकी ६ लाख ८४ हजार ७५० कित्ता सेयर सर्वसाधारण लगानीकर्ताका लागि निष्कासन गर्न लागेको हो । आईपीओमा न्यूनतम १० कित्तादेखि अधिकतम १० हजार कित्तासम्म आवेदन दिन सक्नेछन् ।

कम्पनीको वित्तीय अवस्थाको मूल्याङ्कन गर्दै केयर रेटिङ्ग नेपालले “केयरएनपी डबल बी” इस्यूअर रेटिङ प्रदान गरेको छ, जसले दायित्व वहन क्षमतामा औसत स्तरको जोखिम रहेको संकेत गर्दछ। आईपीओको निष्काशन तथा बिक्री प्रबन्धकमा आरबिबि मर्चेन्ट बैंकिङ्ग लिमिटेड नियुक्त गरिएको छ। आईपीओमा धितोपत्र बोर्डबाट सी आश्वा सदस्य रहेका बैंक तथा वित्तीय संस्था र मेरो सेयर मार्फत आवेदन दिन सकिने छ ।