काठमाडौं । सातको तेस्राे कारोबार दिन बुधबार सेयर बजार घटेको छ बुधबार सेयर बजार मापक नेप्से परिसूचक १.६४ अंक घटेर २७११.२२ विन्दुमा झरेको छ।

आज सेयर बजारसंगै कारोबार रकम पनि घटेको छ। मंगलबार ३ अर्ब ४३ करोड रुपैयाँबराबरको सेयर कारोबार भएकोमा बुधबार ३ अर्ब १९ करोड ७७ लाख ६६ हजार रुपैयाँबराबरको सेयर कारोबार भएको हो ।

आज कारोबारमा आएको १३ उपसमूहमध्ये ८ उपसमूहको परिसूचक बढेको छ । बाँकी ५ उपसमूहको परिसूचक घटेको छ।

आज फरवार्ड माइक्रोफाइनान्स लघुवित्त वित्तीय संस्थाको सेयरमूल्य सबैभन्दा धेरे १३.७४ प्रतिशत बढेको छ। यसैगरी, आज अप्पर लोहोरे खोला हाइड्रोपावरको सेयरमूल्य करिब ६ प्रतिशत बढेको छ ।

कारोबार रकमका आधारमा आज सोलु हाइड्रोपावर उच्च स्थानमा रहेको छ। यस कम्पनीको यस दिन २२ करोड ११ लाख रुपैयाँबराबरको सेयर किनबेच भएको छ।