जुम्ला । जुम्लाका आठवटै स्थानीय तहले आगामी आर्थिक वर्ष २०८३/८४ को नीति तथा कार्यक्रम र बजेट सार्वजनिक गरेका छन् । जिल्लामा रहेका एक नगरपालिकासहित सात गाउँपालिकाले बुधबार एकैसाथ बजेट सर्वजनिक गरेका हुन् ।
यहाँको चन्दनाथ नगरपालिकाले ५९ करोड ४६ लाख ७१ हजार बजेट सार्वजनिक गरेको छ । तातोपानी गाउँपालिकाले ५४ करोड २८ लाख आठ हजार, पातारासी गाउँपालिकाले ४५ करोड ४६ लाख छ हजार र तिला गाउँपालिकाले ५० करोड ५१ लाख ७१ हजार बजेट ल्याएका छन् ।
यसैगरी, हिमा गाउँपालिकाले ४३ करोड ७९ लाख ६६ हजार, सिँजा गाउँपालिकाले ४५ करोड ४८ लाख १८ हजार र कनकासुन्दरी गाउँपालिकाले ४५ करोड १२ लाख ७७ हजार बजेट ल्याएका छन् । गुठीचौर गाउँपालिकाले असार ९ गते ३८ करोड ३६ लाख ८३ हजार बजेटसहित नीति तथा कार्यक्रम ल्याएको थियो ।
तिला गाउँपालिका उपाध्यक्ष गोरीकला बुढाले प्रस्तुत गरेको बजेटमा संस्थागत सुदृढीकरण र सुशासन, दिगो पूर्वाधार तथा सहरी विकास, कला, संस्कृति, सम्पदा संरक्षण र संवद्र्धन, सुलभ आधारभूत स्वास्थ्य सेवा तथा नगरवासीको जीवन रक्षा, रोजगारमूलक एवं स्तरीय आधारभूत शिक्षालाई प्राथमिकता दिइएको जानकारी दिए ।
प्रतिक्रिया दिनुहोस्