काठमाडौं । साताका अन्तिम कारोबार दिन बिहीबार सेयर बजार सामान्य अंकले बढेर बन्द भएको छ । आज सेयर बजार मापक नेप्से परिसूचक ८.९७ अंक बढेर २६७१.०७ विन्दुमा पुगेको छ। यसैगरी, आज सेन्सेटिभ इण्डेक्स १.५१ अंक बढेको छ भने फ्लोट इण्डेक्स ०.८५ अंक र सेन्सेटिभ फ्लोट इण्डेक्स ०.५६ अंक बढेको छ।

आज सेयर बजारसंगै कारोबार रकम पनि बढेको छ । बुधबार ८ अर्ब ६९ करोड रुपैयाँबराबरको सेयर बजारमा आज १० करोड २५ लाख ५० हजार रुपैयाँबराबरको सेयर खरिदबिक्री भएको छ।

आज कारोबारमा आएको १३ उपसमूहमध्ये८ उपसमूहको परिसूचक बढेको छ । बाँकी ५ उपसमूहको परिसूचक घटेको छ। आज विकास बैंक उपसमूहको परिसूचक सबैभन्दा धेरै बढेको छ । यस उपसमूहको परिसूचक १.१८ प्रतिशत बढेको हो ।

आज मध्य भोटेकोशी जलविद्युत कम्पनीको सेयर सकारात्मक सर्किट लेभलमा कारोबार भएको छ।यसैगरी, आज रसुवागढी हाइड्रोपावरको सेयरमूल्य करिब १० प्रतिशत बढेको छ ।

कारोबार रकमका आधारमा आज ङादी ग्रुप पावर शीर्ष स्थानमा रहेको छ। सो कम्पनीको यस दिन ७० करोड ५३ लाख रुपैयाँबराबरको सेयर किनबेच भएको छ।