काठमाडौं । बिहीबार सेयर बजार घटेको छ । बिहीबार सेयर बजार मापक नेप्से परिसूचक १०.०७ अंक घटेर २७३०.१७ विन्दुमा झरेको छ।

आज सेयर बजार घटेको भएता पनि कारोबार रकममा भने सामान्य सुधार देखिएको छ । अघिल्लो कारोबार दिन अर्थात बुधबार २ अर्ब ८० करोड रुपैयाँको सेयर खरिदबिक्री भएको बजारमा ३ अर्ब २९ करोड २ लाख ४४ हजार रुपैयाँबराबरको सेयर खरिदबिक्री भएको छ।

आज कारोबारमा आएको १३ उपसमूहमध्ये ३ उपसमूहको परिसूचक बढेको छ। बाँकी १० उपसमूहको परिसूचक घटेको छ। आज जीवन बीमा, म्युचुअल फण्ड र व्यापार उपसमूहको परिसूचक सामान्य अंक बढेको हो। कारोबारमा आएको अन्य उपसमूहको परिसूचक यस दिन सर्वाधिक २ प्रतिशत घटेको छ।

आज यूनियन हाइड्रोपावरको सेयरमूल्य सर्वाधिक ९.७९ प्रतिशत बढेको छ। कारोबार रकमका आधारमा आज हिमालयन रि–इन्स्योरेन्स शीर्ष स्थानमा रहेको छ।